Bonnie Woodha

Lyric as sung by Dick Gaughan

Doun by yon green bushes by Calder's clear stream
Whaur me an my Annie oftimes we hae been
The hours swiftly passed an happy were we
It was little she thocht that a sodger A'd be

Sae fare thee weill, Annie, for A must away
My country caas on me an A must obey
But if heaven protect me an A dae return
A will sport wi my Annie by Calder's clear burn

On the 20th of August our regiment was lost
An a shot frae the enemy our lines cam across
Struck me in the foreheid an the bluid it ran doun
An A reeled an A staggered an fell tae the grun

Come here cries the captain come here wi great speed
For A fear by yon bullet Young Dunsmore's near deid
They caad for the whisky an the water sae free
An they turnt me all over my wounds for to see

If my Annie was here, she would bind up my wounds
One kiss from her sweet mouth would staunch aa the stouns
But if heaven protects me an I do return
A will sport wi you Annie by Calder's clear burn

An it's when A am weary an think on langsyne
When A was a young man an warked doun the mine
The tears start tae trickle an doun they do faa
Like the dew on the gowans in Bonnie Woodhaa

Song Notes

Learned from the singing of Geordie Hamilton, an ex-miner from Kirkintilloch and regular inhabitant of the notorious Forrest Hill Bar ("Sandy Bell's") in its heyday in the late 1960s.

One of those songs which straddles English and Scots without ever really making its mind up which language it's in. The correct Scots pronunciation of "Calder" is "Cawder" and "Woodhaa" (or "Woodhall") is "Widhaw".

celtic knotwork

Top of Page