Cam ye Ower Frae France

Lyric as sung by Dick Gaughan

Cam ye ower frae France? Cam ye doun by Lunnon?
Saw ye Geordie Whelps an his bonnie wumman?
Wis ye at the place caad the Kittle Housie?
Saw ye Geordie's grace a-ridin on a goosie?

Geordie he's a man, thair is little dout o't,
He's dune aa he can - wha can dae wiout it?
Doun thair cam a blade linkin like malordy
He wad drive a trade at the loom o Geordie

Tho the claith were bad, blythely may we niffer
Gin we get a wab, it maks little differ
We hae tint our plaid, bunnet, belt an swordie
Haas an mailins braid - but we hae a Geordie!

Jockie's gane tae France an Montgomery's ladie
Thair thae'll learn tae dance - Madam, are ye ready?
Thae'll be back belyve, beltit, brisk an lordlie
Brawly may thae thrive tae dance a jig wi Geordie!

Hie for Sandy Don, hie for Cockalorum
Hie for Bobbing John an his Heilan quorum
Mony's a sword an lance swings at heil an hurdie
Hou thae'll skip an dance owre the bum o Geordie!


Song Notes

From "The Jacobite Relics of Scotland" Vol 1 by James Hogg. The setting is the 1715 attempt to restore the Stewart dynasty.

This is a scathing commentary on the political situation - and in particular on the members of the Scottish Establishment comfortably esconced in exile in France - prior to the 1715 Rising.

All the names in the song refer to actual people, although some are lost to obscurity these days. e.g., "Geordie Whelps" was George I, "Bobbing John" was the Earl of Mar, known as "Bobbing" because of his tendency to shift his allegiance to whoever looked like being victorious.

celtic knotwork


Top of Page