The Cruel Brother

Lyric as sung by Dick Gaughan

Thair were three sisters lived in a haa
Hie the rose an the lily gay
An it's doun cam a knight an he courted them aa
An the rose is aye the reider aye

The first ane she wis dressed in red
"Wad ye come wi me an be ma bride?"

An the saicont ane wis dressed in green
"Wad ye come wi me an be ma queen?"

The third ane she wis dressed in white
"Wad ye cam wi me an be ma bride?"

"It's ye maun ask ma faither the king
An it's ye maun ask ma mither the queen"

"An ye maun ask ma sister Anne
Bit mind ye o ma brither John"

Sae he has asked her faither the king
An he has asked her mither the queen

An he has asked her sister Anne
Bit he forgot her brither John

Her faither he led her thro the haa
An her mither she danced afore thaim aa

Her sister Anne led her thro the close
An her brither John helped her on her horse

Then it's he's taen out his wee penknife
An thair he's twined her o her life

As we cam by St Evron's well
She daurstnae light tae drink her fill

An as we cam by St Evron's close
Our bonnie bride she fell aff her horse

"An it's whit will ye leave tae yer faither the king?"
"The bonnie steed that A ride on"

"An whit will ye leave tae yer mither the queen?"
"The bluidy robes that A lie in"

"An whit will ye leave tae yer sister Anne?"
"Ma guidlord tae be her man"

"An it's whit will ye leave tae yer brither John?"
"The rope an the halter tae hing him on"


Song Notes

I learned this from Tom Spiers, one of the original organisers and residents of the Aberdeen Folk Club, also a member of the band The Gaugers.

celtic knotwork


Top of Page