Ye Hielans an ye Lawlans
O whaur hae ye been
Thae hae slain the Earl o Moray
An laid him on the green
He wis a braw callant
An he played at the ring
O the bonnie Earl o Moray
He micht hae bin a king
Lang may his ladie
Luik ower frae Castle Doun
Ere she sees the Earl o Moray
Come soundin through the toun

O wae be tae ye Huntly
An whaurfore did ye say
A bade ye bring him tae me
But forbade ye him tae slay
He wis a braw callant
An he played at the glove
O the bonnie Earl o Moray
He wis the Queen's true love
Lang may his ladie
Look ower frae Castle Doun
Ere she sees the Earl o Moray
Come soundin through the toun

[ Table of Contents ]