Hey, Caa Thro

by Robert Burns
Lyric as sung by Five Hand Reel

Up wi the carles o Dysart
An the lads o Buckhaven
An the kimmers o Largo
An the lasses o Leven

Hey, caa thro, caa thro
For we hae mickle ado
Hey, caa thro, caa thro
For we hae mickle ado

We hae tales tae tell
An we hae sangs tae sing
We hae pennies tae spend
An we hae pints tae bring

We'll live aa our days
An thaim that comes behin
Let thaim dae the like
An spend the gear thae win


Top of Page