Jamie Foyers

Words : Ewan MacColl / Music : Trad.
©Stormking Music
Lyric as sung by Dick Gaughan

Faur distant, faur distant, lies Foyers the brave
Nae tombstone memorial shall hallow his grave
For his bones they lie scattered on the rude soil o Spain
An young Jamie Foyers in battle wis slain

He's gane frae the shipyaird that stauns on the Clyde
His haimmer lies idle, his tools laid aside
Tae the wide Ebro river young Foyers has gane
Tae fight by the side o the people o Spain

Thair wisnae his equal at wark or at play
He wis strang in the Union till his dying day
He wis grand at the fitbaa, at the dance he wis braw
Young Jamie Foyers wis the flouer o thaim aa

He cam hame frae the shipyaird, took aff his warkin claes
O, A mind the time weill in the lang simmer's days
He said, "Thinknae lang, lassie, A'll come back again"
But young Jamie Foyers in battle was slain

In the fight for Belcite, he was aye tae the fore
An he focht at Gandesa till he couldnae fight more
For he lay owre his machine gun wi a bullet in his brain
An young Jamie Foyers in battle was slain

Faur distant, faur distant, lies Foyers the brave
Nae tombstone memorial shall hallow his grave
For his bones they lie scattered on the rude soil o Spain
An young Jamie Foyers in battle was slain


Song Notes

Written as a memorial to those who joined the International Brigade to assist the Spanish Republic and fight Fascism during the Spanish Civil War.

See also Bob Cooney's speech/poem Hasta La Vista - Madrid!

celtic knotwork


Top of Page